Fréttir

Á foreldraviðtalsdegi þann 14. mars verða 6. bekkingar með veitingasölu til styrktar Reykjaferð eins og á haustönn. Þeir hafa, með dyggri aðstoð foreldrasinna, bakað skinkuhorn, pizzusnúða,möffins, brauðbollur, bananabrauð, kryddbrauð, skúffukökur, pönnsur og meira að segja steikt kleinur!

Eftir hádegi fer starfsemi aftur í gang hjá nemendum sem skráðir eru í Frístund. Frístund opnar klukkan 13:00 eins og segir hér í tilkynningunni þannig að þeir sem eru skráðir í Frístund geta mætt. https://www.akureyri.is/is/frettir/starfsemin-ad-hefjast-aftur

Litlu jólin okkar verða í Lundarskóla mánudaginn 20.desember en síðustu ár hefur unglingastigið okkar haft litlu jólin kvöldinu áður þannig að nú í ár verða litlu jól hjá 7. - 10.bekk í Rósenborg föstudaginn 17.desember.

Eins og margir vita hefur skapast hefð fyrir því í Lundarskóla að nemendur 6. bekkjar safni fyrir Reykjaferð með því að selja inn á kaffihlaðborð á viðtalsdögum.

Föstudaginn næsta þann 15.október er starfsdagur í Lundarskóla og þann dag er jafnframt lokað í frístund. Mánudaginn 18. okt og þriðjudaginn 19.okt tekur svo við haustfrí nemenda og kennara en þá daga er opið í frístund fyrir þá nemendur sem þar hafa verið skráðir sérstaklega. Vonum að þið njótið og hafið það gott í fríinu.

Kæru foreldrar/forráðamenn. Því miður þá hefur smitum fjölgað enn frekar í Lundarskóla og nú hefur einnig komið upp smit í 7. og 9.bekk í Rósenborg. Því þurfa fleiri nemendur og starfsfólk að fara í sóttkví.

Í september unnu 2. og 3. bekkur þemaverkefni tengd haustinu. Unnin voru fjölbreytt verkefni og samhliða var farið í lestrarátak.

Göngudagur í Lundarskóla 2. september Á morgun fimmtudaginn 2. september verður göngudagur í Lundarskóla og því þurfa nemendur að koma klæddir eftir veðri, í góðum skóm og með nesti í bakpoka. Nánari upplýsingar er hægt að fá hjá umsjónarkennurum.

Fyrstu skóladagarnir fara vel af stað og góða veðrið nýtt eins og hægt er í útilestur, göngutúra og fl. Við viljum núna þegar allt er komið á fullt minna á mikilvægi þess að fara vel yfir með nemendum öryggi í umferðinni, allir eiga að nota hjálm og sýna aðgát þegar hjólað er á göngustígum. Einnig viljum við minna á að reiðhjól eru leyfileg á leið til og frá skóla en öll umferð þeirra á skólalóð á skólatíma er ekki leyfileg hvorki við Lundarskóla né Brekkuskóla þar sem nemendur í 7.-10.bekk fara um á leið sinni til og frá skóla.